LEGAZPI CITY – Ipiglansar kan Land Transportation Franchising and Regulatory Board an sarong relief operation sa mga residentes na nadanyaran kan nakaaging bagyong Uwan.
Segun ki Land Transportation Franchising and Regulatory Board Bicol Director Joel Defeo sa intrevista kan Bombo Radyo Legazpi na nagin katabang ninda sa relief operation an InDrive Philippines na sarong Transport Network Vehicle Service (TNVS) operator sa rehiyon.
Ibinarewas ninda an maabot sa 500 na foodpacks na kompwesto nin bagas asin delata sa mga residentes kan Barangay Rawis, Legazpi City na dakulang tabang sa mga namamanwaan.
Dae man suboot piglaoman kan mga residentes kan nasambitang barangay na magsasagibo nin relief operation an saindang ofisina.
Ipigdoon man ni Defeo na permi sindang yaon tuyong pigtatamaan nin kalamidad an kabikolan arug na sana kan pagtao nin asistensya sa mga na-staranded na mga pasahero sa mga pantalan.
