LEGAZPI CITY-Pormal nang ipigtrkomenda kan Independent Commission for Infrastructure asin Department of Public Works and Highways sa Office of the Ombudsman na makasuhan sinda dating House Speaker Martin Romualdez asin dating Ako Bicol Party-list Rep. Zaldy Co.
Ipinasa kan komisyon ngonian na aldaw asin kan kagawaran an pinagsarong rekomendasyon sa Ombudsman mapadapit sa imbestigasyon katakod kan mga anomalya sa flood control projects.
Personal man na nagabot sinda Public Works and Highways Sec. Vince Dizon, ICI Chairman Justice Andres Reyes, asin Commissioner Rogelio Singson ngani isumiter an nasabing rekomendasyon.
Segun kay Secretary Dizon, ipigrekomenda kay Romualdez asin Co an mga kasong plunder, pagbayolar sa Anti-Graft and Corrupt Practices Act, asin direct bribery.
Saro sa nagin batayan suboot ngani makasuhan si Romualdez iyo an testimonya kan suboot security aide ni Zaldy Co na si Orly Guteza.
Mantang an mga dokumento hale sa Department of Public Works and Highways asin kontrata kan mga kumpanyang may koneksiyon kay Zaldy Co an nagin batayan man ngani makasuhan an dating kongresista.
Partikular na an mga construction company na nadadawit suboot an dating kongresista kaiba an Sunwest Corporation asin Hi-Tone Construction.
Marurumduman na poon pa kan taong 2016 hasta 2025 an pagka-‘involved’ kan mga kontrata asin proyektong naitao suboot na nagaabot nin labi sa 100-bilyon piso.
