LEGAZPI CITY-Kinumpirma ni Palace Press Officer USec. Claire Castro na inako na ni President Ferdinand Marcos Jr. an boluntaryong pag-demitir sa puwesto ni Executive Secretary Lucas Bersamin asin Department of Budget and Management (DBM) Secretary Amenah Pangandaman.
Segun kay USec. Castro, nagbutas sa puwesto sinda sa Bersamin asin Pangandaman makalihis madawit sa isyu kan budget insertions.
Dagdag pa ni Castro, isinagibo kan duwa an lakdang bilang pagpapahiling nin delikadeza.
Nagpaabot man nin pasasalamat si President Marcos sa nagin serbisyo ni Bersamin asin Pangandaman sa gobierno
Itinalaga ni PBBM si Secretary Ralph Recto bilang bagong Executive Secretary, mantang si Secretary Frederick Go an bagong Finance Secretary, asin si USec. Rolando Toledo na man an itinalaga sa Department of Budget and Management.
