LEGAZPI CITY—Nagtao nin seguridad an kapulisan kan Catanduanes PNP durante kan pagbisita ni Presidente Ferdinand Marcos Jr., makalihis an pangrarapado ka bagyong Uwan sa isla provincia.
Segun ki Catanduanes Police Provincial Office Public Information Officer Police Major Emsol Icawat, sa intrevista kan Bombo Radyo Legazpi, na nag-obserbar na an saindang opisina nin security measures bago pa an nagin pagbisita ni Presidente Marcos.
Segun saiya na nagpasiring an Presidente sa Barangay Tubli sa banwaan kan Caramoran asin personal kaining binisita an kamugtakan kan residentes kun saen dakol man an nairehistrong danyos sa pagrugaring siring man an pagbisita sa mga eskwelahan.
Inasigurar suboot kan saindang kapulisan an seguridad sa tabang man kan Philippine Army, coast guard, emergency response team, asin iba pang ahensya nin gobierno.
Mientrastanto, padagos man an pag-monitor asin pagtabang kan saindang opisina sa mga aktibidades kan lokal na gobierno sa pagbarewas nin tabang sa namamanwaan.
Mensahe man kaini sa publiko na makipagkoordinar sa saindang opisina en kaso may problema asin tulos man suboot ninda ining rerespondehan.
