Kinumpirmar kan Office of the Civil Defense (OCD) na labi sa 50,000 na pamilya sa Bicol Region an isinairarom sa preemptive evacuation bilang preparasyon sa pagrani kan Super Typhoon Uwan.
Segun ki OCD Administrator Assistant Secretary Bernardo Rafaelito Alejandro IV, nagpoon an mga evacuation operations poco mas o menos alas 3 nin aga, partikularmente sa mga lugar sa Albay asin Camarines Norte.
Sa Albay pa sana, maabot na sa 50,000 na pamilya an nag-ebakwar, mantang nasa 5,000 na pamilya sa Camarines Norte.
Maski dae pa naka-landfall an bagyo, nakakaeksperyensya na nin makusog na pag-uran asin paros an mga parte kan Rehiyon 5, partikular na an Catanduanes, asin magin an Rehiyon 8 (Eastern Visayas).
Sa ngonian, wara pang naireport na mahiwasang pagbaha.
Alagad, may naireport na mga power outage sa nagkapirang lugar sa Rehiyon 8, kabali na an Tacloban City, Palo, Babatangan, Leyte, asin Northern Samar.
Huli kaini, nangapudan si Alejandro sa mga local government units (LGUs) asin mga residente sa Central asin Northern Luzon na mag-andam asin magsunod sa mga abiso kan mga awtoridad, mantang pig-iimplementar man an preemptive measures sa mga rehiyon na posibleng maapektuhan kan bagyo.
 confirmed that more than 50,000 families in the Bicol Region have been placed under preemptive evacuation in preparation for the approach of Super Typhoon Uwan.){kind=link}