Suminakat na sa P116 milyon an tabang na naibarewas kan Department of Social Welfare and Development (DSWD) sa mga residente na naapektaran kan uran asin baha huli kan Bagyong Tino.
Kabale sa mga pangenot na tabang na ini an family food packs na naibarewas sa mga biktima, lalo na sa mga pamilyang nag-ebakwar.
Susog sa pinakahuring datos kan DSWD nag-abot na sa 191,526 na kahon nin family food packs an naipadara bilang simbag sa kahagadan na tabang kan mga lokal na gobierno sa siyam na rehiyon na apektado.
Nagpadara man sinda nin 1,961 na kahon nin ready-to-eat food (RTEF) afuera pa sa mga non-food items, modular tents, asin sleeping kits.
Sinabi man kan ahenya na pigpreparar na ninda an emergency cash assistance para sa sa mga pamilyang naapektaran kan kalamidad.
Padagos an pagtatrabaho kan DSWD huli sa pocomas o menos 600,000 pamilya o duwang indibidwal na an apektado kan Bagyong Tino.
Sa datos na ini, nasa 133,000 pamilya an nagtitinir sa haros 5,000 evacuation centers.
