LEGAZPI CITY-Handa na si Miss Universe Philippines Ahtisa Manalo para sa gaganapon na Miss Universe 2025 pageant sa Thailand.
Sa saiyang send-off event sa Ninoy Aquino International Airport, sinabat siya nin kadakol na suporta hale sa mga Pilipino.
Sulog niya an puting two-piece Filipiniana suit, an saiyang Miss Universe Philippines sash, asin kapot niya an banderitas kan Pilipinas.
Sa social media post kan Miss Universe Philippines Organization, sinabi nindang pano nin pagpadangat asin dakula an suporta ninda sa pagsabak sa pageant ni Ahtisa kun sain dadarahon suboot niya an puso kan kada Pilipino sa international stage.
Magigirumduman na si Ahtisa an kinoronahan bilang Miss Universe Philippines 2025 kan bulan nin Mayo.
Target man kan beauty queen na masungkit an ika-limang Miss Universe crown sa pageant stage.
Mientrastanto, gaganapon an Miss Universe 2025 sa Thailand sa maabot na ika-21 kan Nobyembre.
