Pinapabuhay liwat ni Sen. Bam Aquino an Proactive Response and Oversight for Timely and Effective Crisis Strategy (PROTECT) Committee kasabay kan naglalalang huma kan El Niño.
An PROTECT Committee an binilog kan March 2026 para maggibo nin sarong komprehensibong national framework para sa pagtugon kan epekto kan giyera sa Middle East partikular sa suplay nin langis asin ekonomiya kan nacion.
Ini an pinamamayuhan ni Senate President Sherwin Gatchalian na chairperson kaito pa sana kan Senate Finance Committee.
Segun ki Sen Aquino, ang nasabing komite an saro sa mga pwedesir na paagi asin giya paa sa nagkasararo asin whole-of-government na pagtugon sa anumang posibleng epekto kan nasabing weather phenomenon.
Nagsurat na man an mambabatas kay SP Gatchalian nganing hagadon an pagpapaapod liwat kan PROTECT Committee.
Nanindugan an lehislador na kaipuhan na nin marikas na pagtugon sa nasabing problema, ngunyan dae pa gaanong malala ang epekto kaini, asin an sarong paghiro kan gobierno an dakulang bagay nganing akma asin tugma an gabos na ililinyang tabang sa mga Pilipino.
Kabale sa mga dapat tutukan digdi, segun sa senador, ay ang kabuhayan, edukasyon, agrikultura, salud, pagkakan, seguridad, sadit na negosyo, asin essential services.
