LEGAZPI CITY-Nanindugan an Senate Committee on Finance na tuluyang hahalion an unprogrammed funds sa irarom kan 2026 national budget.
Ini maski pa inaprubahan kan Kamara an ₱6.793 trillion 2026 General Appropriations Bill (GAB) kun sain igwang unprogrammed funds na maabot sa haros ₱250 billion.
Segun kay Senate Finance Committee Chairman Sherwin Gatchalian, base sa orolay ninda kan mga senador an hahalion na sa budget an unprogrammed funds maliban sa mga foreign assisted projects na may foreign loans na sierto na pagkukuwaan.
Sinabi ni Gatchalian na sierto man na kayang saluhon kan programmed appropriations an mga proyekto o programang nasa unprogrammed funds.
