LEGAZPI CITY—Labi sa 58 pamilya o katumpad nin 171 na indibidwal na gikan sa Barangay Anoling, Camalig, Albay an paramientras na nag-ebakwar sa Baligang Elementary School huli sa bagyong Ramil.
Segun ki Brgy. Anoling, Kapitana Mia Alemania, sa intrevista kan Bombo Radyo Legazpi, ipinaotob suboot an mandatory evacuation sa nasabing barangay huli sa orden kan saindang lokal na gobierno.
Wara man suboot sindang kinahampang na problema kan sinda nagpa-ebakwar nin mga residentes kan saindang lugar.
Pagdugang niya na kada may maraot na panahon an nagpapaotob sinda nin pag-ebakwar sa mga residentes urog na an mga harani sa dike kan saindang barangay sa rason na pig-iibitaran ninda an huma kan lahar flow gikan sa Bulkang Mayon.
