LEGAZPI CITY—Nagpaluwas nin executive order an banwaan kan Guinobatan, Albay mapadapit sa municipal-wide liquior ban katakod kan bagyong Ramil.
Ipigbabawal sa Executive Order No. 58, Series of 2025, an pagpabakal, pagdistribuir asin pagkonsumo nin arak asin iba pang intoxicating beverages sa mga pampubliko asin pribadong lugar, kabale na an evacuation centers.
Segun ki Guinobatan Mayor Gemma Ongjoco, sa intrevista kan Bombo Radyo Legazpi, ini nganing maasigurar na nasa maray na kamugtakan an saindang namamanwaan asin maayos na kapalibutan.
Babawion suboot an nasabing orden en kaso na magin maray na an kamugtakan kan saindang banwaan.
Padagos man an pag-monitor kan saindang lokal na gobierno sa sitwasyon kan saindang mga nasasakupan asin sinda an naka-standby en kaso kinakaipuhan nin tabang kan saindang mga konstituentes.
