LEGAZPI CITY-Kinumpirma kan Department of Foreign Affairs (DFA) na sarong Pinoy an nagadan huli sa hypothermia o labi an nadanasang lipot makalihis na mag-hiking sa Japan.
Segun sa DFA na nakikipag-koordinar na sa mga otoridad an Philippine Consulate General sa Nagoya ngani magtao nin tabang sa pamilya kan Pinoy na nagadan kan Oktubre 12.
Kairiba an biktima sa grupo kan mga Pinoy mountaineers na nagtukad sa Mt. Oku-Hotakadak.
Dagdag pa kan ahenysa na sa anim na mga Filipino, duwa ang nagsairarom sa atensyong medikal makalihis makadanas nin trauma.
Na-istranded suboot an mga hikers na pinoy sa pinataas kan bulod asin nailigtas man kan mga otoridad kan Japan.
