Ipighayag ni Presidente Ferdinand Marcos Jr. na handa siyang ipasirip an saiyang Statement of Assets, Liabilities, and Net Worth (SALN) sa sisay mang lehitimong ahensya na naghahagad kaini, arug kan Office of the Ombudsman asin Independent Commission for Infrastructure (ICI) na presenteng nagsisiyasat sa mga iregularidad sa mga flood control project.
Segun sa presidente, ikinakigkig niya na haros dae na makuwa an SALN kan mga opisyal sa irarom kan nakalihis na administrasyon.
Sinabi man ni Presidente Marcos na kun hahagadon kan Ombudsman o ICI an saiyang SALN, tulos niya ining itatao.
Kan nakaagi sana an pighale ni bagong Ombudsman Jesus Crispin Remulla an mga limitasyon sa pag-access kan publiko sa SALN bilang parte kan pagpapatibay sa transparency sa pamahalaan.
Nagtutubod an Presidente na magkakanigo sanang buksan an SALN sa mga opisyal kan gobierno nganing malikayan an arin mang suspetsa.
Nagkusog an pangapodan sa pagbukas kan SALN sa mga opisyal kan gobierno kasunod kan imbestigasyon sa kontrobersiyal na flood control projects.
 to any legitimate agency that requests it, such as the Office of the Ombudsman and the Independent Commission for Infrastructure (ICI) which is currently investigating irregularities in flood control projects.){kind=link}