LEGAZPI CITY- Nanindugan an sarong grupo na an laban kontra sa korapsyon an mandato bako sana kan nagkapirang mga organisasyon kundi kan gabos na mga namamanwaan.
Ini an kasunod kan pangapudan kan Catholic Bishops Conference of the Philippines na magsulot nin puting bado sa Sunday mass asin maglaag nin puting ribbon sa mga behikulo asin mga establishimento, bilang parte kan pangapudan sa transparency asin paninimbagan.
Segun ki August Twenty-One movement president Volt Bohol na an pagdakol kan mga namamanwaan na nakikisumaro sa pangapudan an senyales na piglalabanan na an anuman na klase nin korapsyon.
Aminado an opisyal na dakulang tabang na an siring na mga aktibidad ngani na mahiling kan mga politiko an pagkakasararo kan mga Pilipino.
Sinabi kan opisyal na an partisipasyon kan lambang Pilipino an magpapakusog sa pangapudan na malabanan an korapsyon asin mapanimbag an mga imbweltong politiko.
Dugang pa ni Bohon na may posibilidad man na ini na an magpakusog sa mga pangapudan na wakasan an political dynasty sa nacion.
