Nasa kabilogang P153.3 million na kantidad nin tabang pinansyal an ibinarewas ni Presidente Ferdinand Marcos Jr. sa mga lokal na gobierno sa Davao na labing naapektaran nin 7.4 magnitude na linog.
Sinabi ni Palace Press Officer Undersecretary Claire Castro na P50 million digdi an para sa Davao Oriental; P10 million sa Mati City, tig-P15 million sa Manay, Banaybayan, asin Lupon.
Segun ki Usec Castro, an suportang ini gikan sa Office of the President an nganing matabangan an mga Davaoeno sa liwat na pagbuhat gikan sa epekto kan pagtama kan linog.
An mawot suboot na ipaaram kan presidente sa personal na pagpasiring sa Davao an maipagpadagos an pagtao nin tabang kan gobyerno, sagkod na gabos nin pamilyang apektado nin linog an makabuhat asin makapagpuon giraray sa saindang pamumuhay.
