Niyugo nin 6.0 magnitude na linog an Cebu alas – 1:06 nin maagahon, Oktubre 13, susog sa Philippine Institute of Volcanology and Seismology (PHIVOLCS).
Basado sa inisyal na bulletin kan PHIVOLCS, nairehistro an linog sa southwest kan Bogo, Cebu.
May rarom ini na 10 kilometers asin pinagpuonan kaini an tectonic—huli sa nagkakaigwa nin biglaang paghiro sa irarom kan daga sa lugar kan fault line.
Ini-report kan PHIVOLCS an mga minasunod na instrumental intensities:
Intensity V – Villaba, Leyte
Intensity IV – Danao, Asturias, Argao City, Talisay, Cebu City, Cebu; Isabel, Leyte, Hilongos, Ormoc City, Abuyog, Leyte; Hinunangan, Southern Leyte
Huli sa na-eksperyensyahan na linog, piglalaoman an destroso asin aftershock.
