LEGAZPI CITY – Plano ngonian kan lokal na gobierno kan Daraga an pagpapakusog kan sektor kan pagnenegosyo sa saindang banwaan.
Segun ki Mayor Victor Perete sa intrevista kan Bombo Radyo Legazpi na dapat maibalik an kompyansa kan mga negosyante na mamuhunan sa saindang lugar sa paagi kan saindang pagtabang nganing marikas na maproseso an saindang mga business permits.
Pagdoon niya na may pigsusunod sindang mga polisiya sa pagtatao nin mga business permits alagad sa kagayunan suboot ngonian an kaya ninda ining itao sa laog nin tulong aldaw nganing makapagpoon na tulos sinda kan saindang negosyo.
Pigtaram pa kan opisyal na dakol na mga munisipalidad an nakapalibot sa saindang banwaan kun sain nagigin sentro kan kalakalan an Daraga kun kaya importante an marikas na pagtatao nin mga business permits sa mga negosyante.
Pighayag niya man na plano nindang tugdukan nin expansion kan mga negosyo an saindang mga barangay na nakapalibot sa Bicol International Airport.
Afuera sa pagpapakusog kan sektor kan pagnenegosyo sa saindang banwaan, mawot ni Mayor Perete na masulusyunan an problema kan trapiko sa saindang lugar asin pigta-trabaho na ini sa ngonian.
