LEGAZPI CITY-Nangangapudan si House Speaker Faustino “Bojie” Dy III sa mga bangkong pag-sadiri kan gobyerno na magpaotob nin zero interest asin mas pinadaling proseso kan pautang para sa mga paraooma.
Segun kay Dy, kaipuhan na magin abilable an pautang ngani matabangan an mga paraooma na makakuwa nin bastanteng pondo para sa saindang mga kabuhayan, orog na sa tahaw kan pabago-bagong presyo kan paroy.
Tinawan doon man niya an pangangaipohan kan reporma sa sistema kan financing, insurance, asin imprastraktura ngani masierto an matatag na sektor kan agrikultura.
Propwesto man kan House Speaker an pagpapaotob kan mandatory crop insurance para sa gabos na paraooma, na dpaat magin makaskas an proseso sa laog kan 10 aldaw sa paagi kan digital system para sa pagbuhat kan mga apektado kan kalamidad asin pagkalugi.
An pangapudan an kasunod kan pagdangog kan komite sa kamara dapit sa Executive Order No. 93, na temporamenteng nagsuspindir sa importasyon kan regular asin well-milled rice sa laog nin 60 aldaw.
