Nangapodan si Cavite 4th District Representative Kiko Barzaga nin People Power nganing mapatalsik si Presidente Ferdinand Marcos Jr. arug kan pagpapatalsik sa saiyang ama na si dating Pangulong Marcos Sr.
Sa saiyang post sa social media, pig-engganyar ni Barzaga an mga tawo, siring man an Armed Forces of the Philippines (AFP), Philippine National Police (PNP), asin military reserve forces na makisumaro sa demokratikong rebelde na mapoon sa Oktubre 12.
Tinawan doon ni Barzaga na tolong taon na pigtitios an mga pagkukulang ni Presidente Marcos asin dai na niya pigpapauswag an interes kan mga Pilipino kundi an karahayan kan saiyang pamilya asin mga kaalyado sa pulitika.
Sa video, nagkomento si Barzaga dapit sa liderato ni Marcos, partikulamente an bilyun-bilyong pisong hinabon na pondo para sa flood control program.
Sinambit ni Barzaga na huli sa saiyang makusog na kritisismo sa korapsyon sa gobyerno, nadiskubre niya an plano na haleon siya bilang miembro kan Kamara de Representantes.
Segun ki Barzaga, dae siya matitinag huli ta handa siyang magadan o mapreso para sa paglaom na saiyang piglalabanan para sa satuyang futuro.
