Pinahimutikan ni dating Senador Antonio Trillanes IV an mga report na nadismayo asin nadukayang warang malay si dating Presidente Rodrigo Duterte mantang nakakarsel sa International Criminal Court (ICC) detention center sa The Hague, Netherlands.
Segun ki Trillanes, bako totoo an nasabing insidente, asin ipigdoon niyang may nakahandang medical team sa laog kan detention center, afuera pa sa mga ambulansyang yaon sa luwas.
Segun saiya nasa limang minuto sana an rayo an ospital gikan sa ICC kaya imposible suboot na dae tulos naasikaso an dating Presidente.
Dugang pa ni Trillanes, warang basehan an pigsasabing may problema sa memorya si Duterte, na enot nang pighayag kan saiyang abogadong si Atty. Nicholas Kauffman na igwang cognitive deficiencies si Duterte.
An pahayag ni Trillanes an kasunod kan pahayag ni Vice President Sara Duterte kun saen nadukayan suboot an saiyang ama na warang malay sa salog kan saiyang detention room sa ICC asin kinaipuhan suboot isairarom sa mga laboratory test an dating Presidente.
Segun sa bise presidente na dae tulos ipinaaram sa pamilya an nangyari asin warang itinanong paliwanag suboot an ICC.
Tinuglisa man ni VP Sara an suboot kapabayaan kan ICC, kabale an kawaran nin tulos na responde sa simpleng medikal na pangangaipuhan kan dating Presidente siring kan pagbulong kan ingrown toenail kaini.
 detention center in The Hague, Netherlands.){kind=link}