LEGAZPI CITY-Ikinakigkig kan Top 10 sa September 2025 Psychometrician Licensure Examination hale sa Bicol University College of Social Sciences and Philosophy an saiyang naresibeng achievement.
Segun kay Bicol University College of Social Sciences and Philosophy Student asin kairiba sa Top 10 sa nasabing eksaminasyon na si Michal A. Velasco, sa intrevista kan Bombo Radyo Legazpi, na dai siya masyadong nakampante huli sa maski papano an igwa ining darang anxiety alagad ikinakigkig niya an saiyang pagkapasar.
Dagdag pa niya na liwat sa nakigkig siya sa resulta, mas nangibabaw suboot an kaogmahan para sa saiya asin sa saiyang pamilya.
Pigistorya niya man na dai niya suboot nanotaran an pagkaiba niya sa top 10 antes na sabihon ini kan saiyang friend kan sinda magka-olay matapos an exam.
Dai niya man suboot pinagsisihan an pag-enroll sa institusyon huli sa digdi niya nabisto an mga mentors na nagpaabot saiya nin pagpadaba sa napiling propesyun.
Sinabi pa ni Velasco na mas nagfocus suboot siya sa Psychological Assessment kun sain ini an difisil adalan.
Dugang pa niya na importante an mag-manage nin oras asin susi suboot ini ngani aramon kun sain an strength asin weaknesses ngani makafocus sa pag-review asin ma-cater an mga dai pa nasasakop kan kaaraman.
Mensahe man niya sa iba pa na magplanong mag-boluntaryo sa mga grupo ngani makatabang ini sa saindang pundasyon bilang sarong estudyante.
