LEGAZPI CITY-Target kan Caramoan Integrated School na magsagibo nin feeding program sa Lipata Integrated School sa Caramoan Camarines Sur.
Segun kay Caramoan North District Lipata integrated School Head Wendel Alvarez, na saro sa mga gaps an pagkakaigwa nin maluyang achievement kan mga kaakian an kakulangan sa nutrisyon.
Ipapaotob suboot ini sa 6 na bulan sa urualdaw ngani makatabang sa pamilya asin sa heath conditions kan mga estudyante.
Dagdag pa kan opisyal na challenges man suboot kan mga partukdo an ma-assign sa mga remote areas huli sa personal ining sakripisyo para sa sainda.
Pangapudan man kan opisyal na maipadagos an programa sa mga high schools na matawanan nin mga oportunidad an mga kajovenesan siring kan mga nareresibe kan mga learners sa mga ciudad.
Pigpapayuhan man ni Alvarez an mga paratukdo na padagos na mangapudan nin tabang hale sa ibang may kakayahan para sa ikakarahay kan mga kajovenesan sa mga remote areas.
Sa presente, an saro pang challenge sa sainda an mga school supplies kan mga estudyante huli sa dai ini minsan nasususteniran kan mga magurang.
Nagpaabot man nin mensahe an opisyal sa mga estudyante na magin motivated, asin magin inspirado sa pag-aadal ngani mawara na an siklo sa mga komunidad na dai nakakatapos nin pag-aadal asin tulos na nagkakaigwa nin mga pamilya.
