LEGAZPI CITY-Target kan Pilipinas asin Japan na i-revisit an pag-aadal kan 2014 kasunod kan posibleng epekto kan makusog na linog hale sa West Valley Fault.
Segun kay Dr. Teresito Bacolcol, director kan Philippines Institute of Volcanology and Seismology (Phivolcs), planong buksan giraray an nasabing pag-aadal sa pagultangan ninda kan Japan International Cooperation Agency (JICA) sa masunod na taon asin may nagpapadagos na suboot na mga pag-oolay dapit digdi kun sain pighahalat na sana an nagkapirang mga pirma.
Dagdag pa niya na an nasabing pag-aadal an 20 taon na asin poon kaito an nagdadakol pa an populasyon sa Metro Manila.
Dugang pa ni Dr. Bacolcol, pigsasagibo na kan 2004 an pag-aadal na pigaapod na Metro Manila Earthquake Impact Reduction study na pinondohan kan Japan, kun sain nakalataga digdi an risk assessment sa posibleng magnitude 7.2 na linog hale sa West Valley Fault.
Sinabi pa kan opisyal na enkaso maghiro na an West Valley Fault, an bilog na rehiyon, an makakadanas kan nasa Intensity 8 na pagyugo na posibleng mapaminsala.
Sa Metro Manila pa sana suboot an posibleng magpakol na sa 33,000 an posibleng magadan asin pwedesir na magsampa pa sa 48,000 kun kaiba an iba pang mga probinsiya.
Pigkakarkulo man na nasa 114,000 katawo an posibleng ma-irido, basado sa pag-aadal.
Dagdag pa ni Dir. Bacolcol, laoman na makukumpleto an pag-aadal sa laog nin duwang taon kun sain an Japan International Cooperation Agency (JICA) an magastos mantang an Pilipinas man an magtatao sa ahensiya nin mga datos.
