LEGAZPI CITY-Aminado an kalihim kan Department of Justice na si Sec. Jesus Crispin ‘Boying’ Remulla na dai tulos matatapos an imbestigasyon mapadapit sa flood control projects anomaly.
Segun kay Justice Sec. Remulla, haloy na proseso ang pagaagihan kaini sa pigpopoonan na ‘case buildup’ laban sa mga imbuelto sa isyu kan korapsyon.
Posible man suboot na abuton nin nasa 120-araw bago tuluyang makapagsangat nin pormal na kaso kontra sa mga indibidwal na matutukoy na may kinaaraman sa maanomalyang infrastructure projects.
Sinabi pa kan kalihim na maswerte na na makuwa o maiserbi an ‘warrant of arrest’ laban sa mga respondents sa maabot na Pasko enkaso mapadali an proseso.
Ipinaliwanag niya man na huli ini sa nagpapadagos pang ‘case-buildup’ na maagi pa sa mga preliminary investigation bago maisangat an karampatang kaso sa korte.
Sa presente,igwang labi sa 200-katawo an pigiimbestigaran kan Department of Justice na suboot imbeulto sa flood control projects anomaly.
Segun sa kalihim, 67 digdi an suboot mga ‘cong-tractors’ o mga kontratistang nagin kongresista asin miyembro sa Hababang Kapulungan kan Kongreso.
Pigsierto man ni Remulla na dai makakalusot an mga tinaguriang ‘congtractors’ na kairiba man sa pananmagoton kan kagawaran.
Ini suboot maski pa bako direktang nakapangaran sa opsiyal an proyekto o contractor huli sa ipigkokonsidera mansuboot ining ‘open shot case’.
