LEGAZPI CITY-Pinaliwanag ni Senate Blue Ribbon Committee Chairman Senador Ping Lacson an nagkakalat na ladawan niya kaiba an mag-agom na contractor na sinda Curlee asin Sarah Discaya.
Segun kay Lacson, kuwa an lar\dawan kan Abril, kasabay kan pagtatapos kan 90-day campaign period para sa 2025 midterm elections.
Bago an nasabing pagkakataon, binisita suboot siya sa saiyang opisina sa Taguig kan campaign supporter hale sa Davao na si Fred Villaroman, kairiba an aki kan pamilyang Discaya, na nag-imbita sa saiya para magatendir sa sarong grand rally sa Davao.
Dagdag pa ni Lacson, magalang niyang pignegaran an imbitasyon sa rally bilang pagrespeto sa saiyang amigo na si Senate President Tito Sotto III, huli sa pamangkin kaini si Mayor Vico Sotto na mismong kalaban kan mga Discaya sa pagka-alkalde.
Tinawan doon pa kan senador na dai niya personal na bisto a pamilyang Discaya, asin ini sana an enot asin huring pagkakataon na nagkaibahan sinda bago pa man nagluwas an imbestigasyon kan Blue Ribbon Committee.
