Ikinakigkig ni House Speaker Bojie Dy III an irrevocable resignation ni Ako Bicol Partylist Rep. Zaldy Co kan nakaaging aldaw.
Sa sarong presscon sa Kamara sinabi ni Speaker Dy na nakigkig sinda sa naging lakdang kan dating appropriations panel chaiman.
Segun sa House leader na basado sa saindang pag-oolay na en kaso dae pa makipagkoordinar si Co sa House Committee on Ethics and Privileges ngunyan na aldaw, plano nindang suspendiron an kongresista.
Siring man na nagsunad na ini kan saiyang resignation kaya dae na ninda sakop ngunyan an lehislador.
Sinabi ni Speaker Dy na ipapaubaya na ninda sa Department of Justice (DOJ) asin Independent Commission for Infrastructure (ICI) kun ano an ipapataw ninda sa dating lehislador.
Tinawan-duon man ni Dy na maski bako na miyembro kan Kamara ngunyan si Co an dapat man giraray siyang mag-uli sa Pilipinas nganing hampangon asin simbagon an gabos nin isyu na ipigtapok laban saiya.
Kinumpirmar man ni Dy na basado sa saindang monitoring dae pa nakakabalik kan nacion si Co.
Wara man na records na nakauli na nin Pilipinas an dating lehislador.
