LEGAZPI CITY- Nasa P500,000 na kantidad nin pinansyal na tabang an itinagama kan lokal na gobierno kan Legazpi City para sa mga biktima kan bagyong Opong sa provincia kan Masbate.
Marurumduman kaya na saro sa pinaka matinding naapektaran kan kalamidad an nasabing island province na nangangaipo ngunyan nin tabang.
Segun ki Legazpi City Mayor Hisham Ismail sa intrevista kan Bombo Radyo Legazpi na dakula an pasasalamat kan ciudad huli ta dae marhay naapektaran kan bagyo an Legazpi kaya nagdesisyon sinda na maghatod nin tabang sa mga pinaka naapektaran kan raot nin panahon.
Pinaglalaoman kan alkalde na makakatabang na an nasabing kantidad para sa padiit-diit na pabangon kan Masbate province.
Kun babalika, an nasabing provincia an isinairarom na sa state of calamity huli sa hewas kan distroso na iwinalat kan nasabing bagyo.
