Nagbutas sa saiyang pwesto bilang special adviser kan Independent Commission for Infrastructure si Baguio City Mayor Benjamin Magalong.
Kinumpirmar ini kan staff kan alkalde pirang oras makalihis ianunsyar kan Malacañang na pig-aadalan pa sana ninda an appointment huli sa suboot conflict of interest.
Isinumiter ni Magalong an saiyang resignation letter ki Presidente Ferdinand Marcos Jr. ngunyan na Setyembre 26, 2025.
Nakasaad sa nasabing surat na dae niya pababayaan an pangenot na responsibilidad na ipigtao saiya kan mga konstituwentes niya sa Baguio City kun saen ini an pangenot na sentro kan saiyang public service.
Enot nang sinabi kan Malacañang na saindang pig-aadalang nin marhay an appointment ni Magalong sa ICI huli sa ipigbabawal sa gobyerno an pagkakaigwa nin duwang posisyon.
