Naninindugan si Agriculture Secretary Francisco Tiu-Laurel Jr. sa saiyang posisyon na an Department of Agriculture (DA) an nagpapa-otob nin sarong mahigpit asin patas na sistema pag-abot sa proseso kan importasyon kan sira sa nacion.
Ginibo kan kalihim an pahayag makalihis an nangyari na pagdangog sa Kamara de Representantes kan nakalihis na aldaw.
Sa nasabing hearing, sinabi ni Secretary Tiu-Laurel na pigpirit suboot siya ni Ako Bicol Representative Zaldy Co na magtao nin import allocations para sa sira sa tolong partikular na kumpanya, kabale na an ZC Victory Fishing Corp.
Makusog niyang sinayumahan an nasambit na panggigipit asin pigsierto na an proseso kan DA nagtetenir na obhetibo.
Sa sarong intrevista, ipigdoon liwat kan kalihim an saiyang naenot na pahayag na warang sisay man indibidwal o kumpanya an pigpapaboran kan Department of Agriculture pag-abot sa mga orolay kan importasyon.
Inasegurar niya man sa publiko na an gabos na aplikasyon nag-aagi sa mahigot na pagrepaso asin wara nin personal na impluwensya na nakakaimpluwensya sa mga desisyon.
Tinawan duon niya na data-driven an prosesong pig-iimplementar kan DA kun kaya patas asin impartial an gabos na aplikante.
Dugang pa na ipinaliwanag kan kalihim na dae man pinaboran kan DA an Trans-Pacific Journey Fishing Corp (TPJ), sarong kumpanya na pagsasadiri kan pamilya ni Navotas Representative Toby Tiangco, sa ibong kan minimidbid ini bilang saro sa mga nangengenot na importer nin galunggong sa nasyon.
Segun ki Secretary Tiu-Laurel, an nasabing kumpanya haloy nang nangengenot sa industriya, asin nangyari ini kan nakaaging administrasyon.
Ini nagpapahiling sana na an saindang kapangganahan resulta kan saindang sadiring espwersos asin bako huli sa anuman na pabor hale sa DA.
 is implementing a strict and fair system when it comes to the process of importation of fish in the country.){kind=link}