LEGAZPI CITY-Arestado an sarong 19-anyos na sulterong lalaki huli sa pagpapabakal nin iligal na marijuana sa Bulan Sorsogon.
Segun kay Bulan MPS Chief Investigator Police Chief Master Sergeant Fernandico Manalo, sa intrevista kan Bombo Radyo Legazpi, na an suspek sarong delivery boy asin naarestar ini mantang pinabakalan an sarong poser buyer.
Nakuwa man sa suspetsado an sarong transparent sachet na igwang laog na “dry leaves” na pigtutubudang iligal an droga na nagkakantidad nin P500.
Saro man suboot sana na nagpapabakala an sultero asin sa presente nasa kustodiya na ini kan Bulan Municipal Police Station.
Nahahampang an suspetsado sa kasong pagbayolar sa Section 5 kan Republic Act No. 9165 o an Comprehensive Dangerous Drugs Act of 2002 na warang pigrerekomendang piyansa.
Abiso man sa mga gabos na kun igwang mga impormasyon dapit sa mga iligal na transaksiyon kan iligal na droga, an tulos na ipaaram sa kapulisan.
