Uminabot na sa labi P7.47 milyones an nagastos ni Vice President Sara Duterte sa saiyang pagbyahe sa ibang nasyon.
Segun ki Office of the Vice President Budget Division chief Kelvin Gerome Tenido, puon kan Hulyo 31, uminabot na sa P20.68 million an ginastos.
Sa nasabing kantidad, P13.21 milyon an nasa irarom kan local travels mantang P7.47-M an nasa irarom kan foreign travel.
Ipigdepensa kan OVP assistant chief of staff Lemuel Ortonio an pagbyahe ni Duterte, sa pagsabing igwa ining supisyenteng mga dokumento o travel authority asin dae naggamit nin pondo kan gobierno.
Nakatalaan na magbiyahe an Bise Presidente pasiring sa Tokyo asin Nagoya sa Japan sa Setyembre 20 asin 21.
Ini an ika-13 na foreign trip ni Duterte ngonian na taon.
