LEGAZPI CITY-Ipigbuyagyag ni dating Department of Public Works and Highways (DPWH) Secretary Manuel Bonoan na igwang 15 na nawawarang flood-control projects hale sa labi 1,600 na proyekto na saindang binusisi.
Dai pa man sierto kun sain itinugdok an mga nasabing proyekto.
Nilinaw man kan dating kalihim na magkaiba an “non-existent projects” sa “ghost projects.”
Sinabi niya na an ghost projects an igwang nakalaag na ‘completed’ na alagad kun bubusisihon sa aktwal na lokasyon, an wara naman na itinugdok na imprastraktura.
Mantang an non-existent projects an padagos pang pig-validate kan an departamento.
Basado man sa impormasyon an 15 nawawarang flood-control projects an mahihiling sa Bulacan, Regions I, II sin III.
Dagdag pa ni Bonoan, handa siyang ipasa an gabos na saindang findings sa presenteng liderato ngani makatabang sa planong re-organization kan depertamento.
