Kinumpirmar kan Department of the Interior and Local Government (DILG) na an plano ni Police Gen. Nicolas Torre III na magsagibo nin reshuffle sa hanay kan Philippine National Police (PNP) an saro sa mga rason kan saiyang pagka-relieve sa saiyang pwesto.
Segun ki DILG Secretary Jonvic Remulla, pigsugo kan National Police Commission (Napolcom) si Torre na i-revoke an reassignment kan nagkapirang halangkaw na opisyal, kabali na si Police Lieutenant General Jose Melencio Nartatez Jr, an ikaduwang pinakahalangkaw na opisyal kan PNP na pigbalyo ni Torre sa Mindanao.
Sa opisyal na pahayag hale sa Napolcom, ginibo an appointment na warang en banc approval kan komisyon, na igwang administratibong kapangyarihan sa irarom kan Republic Act 6975 o DILG Act.
Iniladawan pa ni Remulla an desisyon na salidahan si Torre bilang makulog alagad kinakaipuhan, asin soboot ginibo para sa kapakanan kan “national interest” kan nasyon.
Idinagdag ni Remulla na si Presidente Ferdinand Marcos Jr. nanindugan sa bagay na an “security apparatus” na nakabalangkas sa irarom kan ley dapat na mag-gana, asin irespeto an papel kan Napolcom.
Mientrastanto, sinabi ni Senador Panfilo Lacson na pinahale si Torre bilang pamayo kan National Police huli ta nasosobrahan na ini.
Sinabi ni Lacson na nag-akto si Torre nin “beyond his authority” makalihis suboot na pahaleon an saiyang second-in-command na si Nartatez Jr., na an kalimitan suboot an kaipuhan muna nin clearance sa Presidente o sa secretary kan DILG.
Piglinaw ni Remulla na may opsyon si Torre na magretiro o magtenir sa serbisyo.
 confirmed that the plan of Police Gen. Nicolas Torre III to conduct a reshuffle in the ranks of the Philippine National Police (PNP) is one of the reasons for his relief from his post.){kind=link}