LEGAZPI CITY-Sinabi kan sarong Constitutional Law Expert na maatubang nin dakulang legal liability an Department of Public Works and Highways (DPWH) asin an Local Government Units (LGUs) kun an mga flood control projects an dai nagagi sa Sanggunian.
Segun kay Constitutional Law Expert Atty. Michael Hery Yusingco, sa intrevista kan Bombo Radyo Legazpi, na malinaw sa ley na dapat nagsasagibo nin prior consultation asin maghagad nin consnet sa mga Sanggunian bago poonan an sarong proyekto.
Dagdag pa ni Yusingco, dapat pigsasagibo an konsultasyon ngani maaraman kun igwang epekto an mga proyekto sa kapalibutan.
Enkaso suboot na dai nagsasagibo nin sarong konsultasyon o consent sa Sanggunian, an mantinidong igwang nagyayaring sindikato sa lado kan Department of Public Works and Highway na posibleng igwang koneksyon sa mga may posisyon.
Pigkwestyun man ni Yusingco kun pano ini naisasagibo mantang dai pig-papaagi sa mga Sanggunian kung sain igwang mali asin unlawful an mga pigsasagibong proyekto.
Dugang pa ni Yusingco na posible pang dai ninda matanggap an nasabing proyekto alagad, dai man suboot siya nagtutubod na bako sinda “aware” o dai ninda aram na igwang nagyayaring project sa saindang lugar, orog na darakulang proyekto an mga ini kung sain dai nagkaigwa nin reaksiyon o nagalma an mga nasa lokal na gobierno.
Sinabi pa kan opisyal na dapat na mag-alma sinda sa media o magin sa saindang mga sadiring social media, o kaya sa korte, Department of the Interior and Local Government o magin sa Malakanyang ngani ipaluwas an saindang pag-protesta.
Tinawan doon man ni Yusingco na bilang administratibo ini an pwedisir sinda makasuhan sa Ombudsman o sa Department of the Interior and Local Government sa ligal na aspeto enkaso dai ninda magibo an saindang mga trabaho bilang sarong opisyal kan gobierno.
Saro man suboot ining violation sa local government code kung sain posible sindang mapatawan nin kurapsyon, makulong o kaya ma-disqaulify bilang sarong public official.
Sinabi pa kan Constitutional Law Expert na bako magayon na pigtatago ninda an mga proyektong ini kun kaya dapat na mas magkaigwa nin accountability an publiko sa pagpili kan mga opisyal sa saindang pagboto.
