Pirmahan na ni Senate President Francis “Chiz” Escudero an subpoena laban sa mga contractor na nag-absent sa enot na hearing kan Senate Blue Ribbon Committee manungod sa suboot isyu nin kurapsyon sa mga flood control projects.
Kabali sa mga contratista na ipinaapod kan Senado sa paagi nin subpoena iyo an mga minasunod:
Mr. Luisito R. Tiqui (President, L.R. Tiqui Builders, Inc.),
Ms. Cezarah C. Discaya (President, Alpha and Omega Gen. Contractor & Development Corporation),
Mr. Lawrence R. Lubiano (President, Centerways Construction and Development Inc.),
Mr. Edgar S. Acosta (President, Hi-Tone Construction & Development Corp.),
Ms. Marjorie O. Samidan (Authorized Managing Officer, MG Samidan Construction),
Mr. Romeo C. Miranda (President/AMO, Royal Crown Monarch Construction & Supplies Corp.),
Ms. Ma. Roma Angeline D. Rimando (President, St. Timothy Construction Corporation),
Ms. Aderma Angelie D. Alcazar (President/CEO, Sunwest, Inc.),
Mr. Eumir S. Villanueva (President, Topnotch Catalyst Builders Inc.),
Mr. Mark Allan V. Arevalo (General Manager, Wawao Builders)
Magigirumduman na dae nag-pahiling an mga contratista sa nakatalaan na first hearing kan Blue Ribbon Committee huli sa manlaen-laen na rason arog kan commitments o helang.
An mga kontratista an kabale sa top 15 na ipinahayag sa publiko ni Presidente Ferdinand Marcos Jr.
Sa ngonian, pighahalat pa kun nuarin i-iskedyul kan komite an masunod na hearing sa mga palpak, asin soboot “ghost” flood control projects.
Enkaso dae maka-atubang liwat an mga nasabing contratista sa ibong kan subpoena, pwede sindang i-cite in contempt asin pwedeng magpaluwas nin warrant of arrest an Senado.
