Pigkakarkulong 2.9 milyon na parasisira an makikinabang sa programang “Benteng Bigas, Meron Na!” kan Department of Agriculture (DA), kun saen pwede sindang makabakal nin paroy sa kantidad na P20 kada kilo.
Segun sa DA, an mga parasira pwedeng makabakal nin hasta sa 10 kilos nin bagas kada bulan, o one-time purchase na maabot sa 50 kilos na madurar sa laog nin limang bulan.
Libre man sindang magpili kun gurano an gusto nindang bakalon sa sarong pagkakataon, depende sa saindang budget.
An distribusyon kan baratong bagas para sa sektor kan parasisira an nakatalaang magpoon sa Agosto 29.
Pig-anunsyar ini bilang parte kan pagpahiwas kan sakop kan programa nganing mas dakol na mga Pilipino an makinabang sa abot-kayang bagas.
An programa enot na piglansar sa Visayas kan Abril, asin sa presente pig-iimplementar sa dai mababa sa 162 na lokasyon sa bilog na nasyon.
Katuyuhan kan programa na matabangan an mga sektor na mas nangangaipo sa atubang kan padagos na paglangkaw kan presyo kan mga basic commodities, partikular na an bagas.
, where they can buy rice at P20 per kilo.){kind=link}