LEGAZPI CITY-Gadan an sarong pulis mantang irido an duwang sibilyan huli sa pambabadil sa Taft Avenue corner Primero de Mayo Street, Brgy. 90, Pasay City.
Segun sa mga nakahiling kan pangyayari, bigla na sana pinagbabadil an sarong pulis mantang nakatukaw sa motorsiklo kan sarong naglalakaw na suspek.
Basado man sa impormasyon kan Pasay City Police, naka-assign ag 39-anyos na biktimang pulis sa Manila Police District kan mangyari an insidente.
Irido man an duwang lalaki na nasa 31 aSIN 64-anyos na sakay kan sarong napaaging tricycle.
Ipighistorya man kan nadamay na sibilyan na marikas na nagtakas na gunman makalihis an pambabadil kaini.
Mientrastanto, padagos man an imbestigasyon kan pulisya sa motibo kan pambabadil asin an pagbisto sa lokasyon kan suspek.
