Nadukayang naaagnas na an bangkay kan sarong 55-anyos na babae sa saiyang harong sa Misamis Occidental.
Nagadan suboot an biktima makalihis na tuminama an saiyang payo sa salog makalihis na suntukon kan saiyang 15 anyos na aki.
Segun sa pulisya, nadiskubre kan mga kataraid na harong an bangkay kan biktima huli sa mabatang parong na hale sa saiyang harong sa Barangay Northern Poblacion sa banwaan nin Plaridel.
Sinabi kan pulis na nagsuko an 15 anyos na aki kan biktima sarong aldaw makalihis na madiskubre an bangkay kan saiyang ina na nakatahob an pandok.
Sa istorya kan teenager, nagdiskusyon sinda kan saiyang ina kan Agosto 15 kan maghagad ini nin pagkakan sa saiyang ina alagad nagsayuma an babae.
Sinuntok suboot kaini an saiyang ina asin natumba, asin tuminama an saiyang payo sa salog.
Alagad imbes na maghagad nin tabang, dinara niya sa kuwarto an warang malay na ina, tinahoban an saiyang pandok, lininig an dugo sa salog, asin naghale sa harong pagkatapos.
Segun sa pulis, sasangatan ninda nin kaso na parricide an binatilyo, alagad an korte an madecide kaini huli ta menor de edad an suspetsado.
