Dinakop an sarong lalaki makalihis na makawat ini nin nagkapirang gamit sa sarong opisina asin mahulog sa kisame sa Juna Subdivision, Quimpo Boulevard Davao City.
Basado sa impormasyon na naresibe kan nagrespondeng pulis, si alyas Jon, sarong stay-in employee kan 267 Asian Hybrid Seed Technologies, Inc., nagtuturog an sarong guardia hale sa parehong kompanya alagad kan siya mag-abot, narisa niya suboot an sarong kariribokan sa laog kan saindang opisina, na nag-udyok saiya na magbuhat asin kumpirmaron na igwa tawo na nasa laog tulos na pinukaw an bantay asin isinara an mga exit points, asin nag-apod nin pulis.
Pag-abot kan mga pulis sa lugar, tulos nindang pighalughog an ground floor asin nahiling na nagsakat na sa kisame an suspechado
Alagad nadalinas ini, na nagin rason kan pagkahulog kan suspetsado na binistong si alyas Joemel, 19 anyos asin residente kan Banana Street, Ulha Village, Davao City.
Kasabay na nahulog an sarong cellphone unit na nagkakantidad nin P1,000, sarong computer mouse, duwang laptop na nagkakantidad nin P10,000, saro pang laptop na nagkakantidad nin P55,000, sarong charger kan cellphone, asin 2 na charger kan laptop.
