LEGAZPI CITY – Ipigdoon kan sarong kongresista na taon-taon nang may korapsyon na nangyayari sa irarom kan flood control projects sa laog kan kongreso asin senado.
Segun ki ACT Teachers Party-list Representative Antonio Tinio sa intrevista kan Bombo Radyo Legazpi na kapansin pansin na an nasabing programa sa irarom kan Department of Public Works and Highways (DPWH) an padagos na nagdadakula kada taon.
Pirang taon na man suboot na pigtutuyaw an budget para sa ibang sektor na binawasan asin ibinugtak sa flood control kun kaya nagkakaigwa na nin speacial interest an mga politiko mapadapit sa pagpopondo kan programa.
Laoman na man na sa mga mangyayaring serye nin pagdangog o imbestigasyon an kadakol na madadamay sa naunambitang isyu asin dapat magin rigmat an publiko sa saindang nadadangog asin nababaretaan.
Nagtutubod man an opisyal na may nangyaring congressional insertion sa mga orolay kan flood control asin maanomalyang proyekto huli ta kadakol an binawasan na pondo kan importanteng sektor nganing dugangan an iba arug kan ipigsaladawan niya an unprogrammed appropriations.
Paliwanag niya na pagkatapos suboot isumite kan Malacañang na National Expenditure Program an may isusumite pa na mga insertions kan mga ahensya na sinda mismo ang naglalaog.
Dapat na mapanimbag an legislator na naglaog kan progrma asin contrasista na nagtatao nin kickback sa legislator na mga numero unong nagigin rason kan pandarambong nin haros trillion pesos na pondo sa paagi kan flood control program.
Punto ni Tinio na pano nabayadan kan DPWH an mga contractor kun wara man na proyektong naipatugdok o pig-apod na “ghost project” kun kaya sa hiling niya an nabayadan man an mga district o field offices.
