Aminado si Presidente Ferdinand R. Marcos Jr. na dakol pang mga ghost asin palpak na flood control projects na siring kan sa Baliuag, Bulacan.
Segun sa Presidente, nakakamundo alagad dakol pang mga proyektong may kinaaraman sa flood control na pararehong guni-guni sana na saiyang hihilingon na ngunyan.
Magpuon suboot kan saindang inilansar an Sumbong sa Pangulo website an nagbuhos an nagsusurat asin nareresibe nindang mga report sa sainda na kun saen pighihiling ninda nin mahigot an mga nasabing reklamo.
Katakod kaini sienerto man kan Presidente na dae sinda mapundo sagkod sa mabuyagyag an pagkakakilanlan kan mga nasa likod kan multi-bilyong anomalya gamit ang mga flood control projects.
Susunadan niya nin kaso an mga imbuelto sa contractor asin an iba pang nasa likod kan mahiwasang anomalya.
Enot nang hinarang ni PBBM ang pag-release kan nasa P60-80 billion na pondo sa irarom kan 2025 budget na susog sa Malakayang ini an mga infrastructure projects kan DPWH na in-insert kan Kongreso.
An nasabing mga infrastructure projects an dae nakalinyada sa Philippine Development Plan kan Marcos administration.
Mientrastanto, sinabi pa kan Presidente na igwa nang legal team na matutok sa legal na lakdang na gigibohon laban sa mga personalidad na kaiba sa iregularidad na may kinaaraman sa flood control projects.
Pigsierto kan Presidente na bubukudon asin susunadan ninda nin kaso an mga nasa likod kan mahiwasang anomalya na kun saen imbuelto an pirang mga contractors, mga taga-DPWH asin pigsasabing mga proponents.
Sa presente, padagos an pagsusuri ninda sa records kan DPWH asin sa gabos nin darakulang contractors asin gikan digdi an maaaraman kun nagtutugma an report sa mga pigre-report sa Sumbong sa Pangulo website.
