LEGAZPI CITY—Katakod kan nakataalang ikalimang State of the Nation Address (SONA) ni Presidente Ferdinand R. Marcos Jr. saagang Lunes, Hulyo 27, pighingoa kan sarong transport group na mabanggit kan presidente an mapadapit sa padagos na paglangkaw kan presyo nin petrolyo sa nacion.
Segun ki PISTON President Mody Floranda, sa intrevista kan Bombo Radyo Legazpi, nagmamawot sinda na mapag-isipan ni Marcos kun pano masuspendir an halangkaw na presyo kan petrolyo sa irarom kan value-added tax asin excise tax sa langis magin an pagbasura sa oil deregulation law na iyo an rason kaya padagos an paglangkaw kan presyo kan langis.
Tinawan-doon kaini na dapat may konkretong programa an gobierno urog na haros pirang taon na sana an natatada antes matapos an saiyang termino.
Punto pa kaini na difisil man na magtao nn marka sa nagin performance kan presidente huli sa wara man suboot ining naginibohan para sa transport group imbes hinali an kabuhayan kan mga driver kawsa kan modernizaton program.
Mientrastanto, nangapudan man si Floranda sa publiko na makisumaro sa mga paghiro durante kan SONA ni PBBM asin labanan an mga patakaran kan administrasyon na padagos na nagpapadifisil bako sana sa mga driver kundi sa sambayanang Pilipino.
