LEGAZPI CITY – Importante para sa sarong grupo an pagkomemorar sa anibersaryo kan pagkagadan ni Former Senator Benigno “Ninoy” Aquino Jr.
Segun ki August Twenty One Movement President Volt Bohol sa intrevista kan Bombo Radyo Legazpi nag-agi nin sampulong taon nin mis-information asin history distorion an nacion partikulamente na sa social media manungod sa nasabing persona.
Katakod kan Ninoy Auino day an inimbitaran sinda kan National Historical Commission na mag-atendir kan replaying sa Ninoy Aquino International Airport terminal 1 mantang magsasagibo man nin misa sa Manila Memorial Park kabale an manlain-laing grupo pati an Aquino Family.
Poon suboot kan pagpaslang ki Aquino an nagtutubod siya na may pilipinong kayang magbuwis nin buhay para sa saiyang kapwa pilipino maski kadakol nang nagpugol sa herowe na mag-uli sa nacion hale sa Boston.
Pigtaram pa kan presidente kan grupo na maski anong pangraraot na ginibo ki Ninoy kan nakaaging panahon an dae matatanggal an katotohanan na pigkahampang niya an saiyang takot maski aram niyang may huma na sa saiyang buhay.
Dae niya man malilingawan an ginibong kabayanihan kan kapwa pilipinong nagtindog laban sa diktadurya makalihis an pagkagadan ni Ninoy kun kaya masasabi niyang si Ninoy an nagpoon asin an sambayanang Pilipino an nagtapos.
Nagmamawot man siya na nakanood na an presenteng administrasyon na sa kada pagporbar na ipa-silensyo an taumbayan an may mga nagtitindog nganing idoon an importansya kan nangyari kan Agosto 21, 1983.
Naglalaom man si Bohol na dae malilingawan an ginibong kabayanihan ni Ninoy Auino asin an mga indibidwal na nakibaka para sa magayon na puturo na pigtatamasa nyato ngonian asin sa masunod pang panahon.
