LEGAZPI CITY- Pigkokunsiderar kan National Historical Commission of the Philippines an National Heroes’ Day bilang tsansa na rumdumon an mga hero na dae madalas napag-oolayan, kaibanan an saindang mga sakripisyo para sa nacion.
An Aldaw nin mga Heroe ngunyan na taon an igwang tema na “Diwa ng Kabayanihan, Lakas ng Sambayanan.”
Segun ki NHCP History Research II Aljon Concillado sa intrevista kan Bombo Radyo Legazpi, afuera sa mga enot na mga bayani, an National Heroes’ Day an panahon man ngani na bistuhon an mga makabagong heroe sa presenteng panahon na igwang nagigibong sakripisyo para sa nacion.
Dagdag pa kan opisyal na an lambang saro an pwedesir na maghanap nin manlain lain na mga paagi ngani na maging heroe sa saindang kapwa Pilipino.
Mientras tanto, nasasabutan man suboot ni Concillado na sa presente, dakula na an pagbabago sa interes kan kadaklan sa historya urog na sa mga bagong henerasyon kasabay kan pag-usbong kan teknolohiya alagad pigduon na dae dapat malingawan an pinag-agihan asin sakripisyo kan mga bayani para sa libertad kan nacion.
