Buminagsak nin haros 50% an online gaming transactions puon Dominggo sagkod Martes makalihis an kasuguan kan Bangko Sentral ng Pilipinas (BSP).
Ipighayag ini ni Philippine Amusement and Gaming Corporation (PAGCOR) Chairman asin CEO Alejandro Tengco sa budget briefing kan House Committee on Appropriations kan Miyerkules.
Tinawan kan Bangko Sentral ng Pilipinas nin 48 oras an e-wallets na paramientras i-delink kan mga e-payment platforms sa mga online gambling platforms kan Agosto 14. Hanggang Sabado an deadline para sa nasabing kasuguan.
Ipigdoon ni Tengco na an mga legal na lisensyadong operators kan PAGCOR an nagsunod sa sugo kan Bangko Sentral ng Pilipinas, alagad mas dificil i-monitor an mga ilegal na operators.
Kaiba man an Bangko Sentral ng Pilipinas sa padagos na monitoring nganing masierto an pagpapaotob kan regulasyon.
