LEGAZPI CITY-Isinangat sa House of Representatives an panukalang ley na naglalayong matawanan nin mandatory 14th month pay an mga nasa pribadong sektor.
Sa irarom kan House Bill 3808 na isinangat ni Trade Union Congress of the Philippines (TUCP) party-list Rep. Raymond Mendoza, na an 13th month pay an ipigtatao dapat sa Hunyo 24 mantang an 14th Month pay an hasta sa Disyembre 24 sa kada taon.
An nasabing mga bayad an nasa pag-oolay kan mga empleyado asin kan mga employers o kun igwang pigbibistong collective bargaining agreement.
An 14th month an katumbas kan sarong bulan na sahod na nareresibe kan sarong empleyado sa saiyang pigtatrabahohan na kumpanya.
Pwedisir na magpa-exempt suboot an mga kumpanya na nadidifisilan digdi alagad dapat otorisado kan Department of Labor and Employment (DOLE).
Enot na man na nagsangat si Senate Minority Leader Vicente “Tito” Sotto III kan parehas na panukalang ley sa Senado.
