Nag-resign na an aktres na si Nadia Montenegro sa saiyang posisyon bilang political affairs officer ni Senador Robin Padilla, kasunod kan mga bareta kan saiyang suboot paggamit nin marijuana sa laog kan Senado.
Pigkumpirmar ni Atty. Rudolf Philip Jurado, chief of staff ni Padilla na inako na an pagbutas ni Montenegro.
Magigirumduman na pigsugo ni Senate President Francis Escudero na mag-imbestigar sa suboot paggamit nin marijuana kan saro sa mga staff ni Padilla.
Nagkondusir man nin sadiring imbestigasyon an opisina ni Padilla dapit sa insidente.
Nagsumiter nin report an Senate Office of the Sergeant-at-Arms (OSAA) kan nakaaging semana dapit sa insidente asin nagtao nin kopya sa opisina ni Padilla.
An OSAA nginaranan si Montenegro sa report kan insidente, alagad an aktres nagnegar na naggamit nin marijuana sa ladies room.
Bago an saiyang pagresign, an Montenegro ipigsugo na magbakasyon.
