LEGAZPI CITY-Nadukayan an sarong bungo kan tawo, dagom asin ladawan na pigtutubudan suboot na ginamit sa black magic sa maawot na parte kan Purok Placida, Barangay Calumpang, General Santos City.
Afuera sa bungo, nadukayan man sa lugar an ladawan kan sarong lalaki asin babayi asin sa likudan kan ladawan, nakasurat an pigtutubudang mga pangaran kaini.
Nahiling man sa nasambitang lugar an dagom kataning kan nasambitang bungo kan tawo.
Segun sa impormasyon kan pulisya, posibleng hale suboot an bungo sa sementeryo asin ginamitan suboot nin black magic.
Padagos man na pigiimbestigaran kan mga otoridad an nasambitang insidente
asin pigbabalaan an mga residente na dapat suboot igalang an mga bangkay kan tawo asin dai ini pagkawatan.
