LEGAZPI CITY – Ikinundusir kan Australian Government an Exercise Talisman Sabre 2025 kun sain nagsagibo ini nin military drills sa kadagaan asin kadagatan.
Segun ki Bombo International News Correspondent in Australia Denmark Suede sa intrevista kan Bombo Radyo Legazpi na binalehan ini kan labi 35,000 sagkod 43,000 na military troops na gikan 19 nacion sa enterong kinaban asin nagserbing observer an Brunei, Malaysia asin Vietnam.
Nagpadara man suboot nin maabot na 19 personnel an Philippine Arm Forces nganing magpartisipar sa pinakadakulang bilateral exercise.
Dae man sinabi sa apat na semanang drill kun para sain an saindang preparasyon alagad sa hiling niya an paghahanda suboot ini laban sa China.
Pigtaram pa kaini na matrayumpong naipamalas man kan Australia an saindang ship sinking missile kun sain 500 meters an rayo kan target.
Punto niya man na maski dae makiaram an Australia sa panggigipit kan China sa Taiwan asin Pilipinas an damay man liwat sinda huli ta sarong Australian an 2 star general na Deputy Commander kan US Army Pacific.
Wara man na asset o equipment na ipinadara an Pilipinas huli sa numero kan mga personnel na nakisumaro alagad pigtukduan man an mga ini mapadapit sa paglalatag nin plano.
Pagdoon ni Suede na dakulang bagay ini para sa Australia nganing mahiling man kan China na enkasong magpoon ini nin gyera an bako sana an Estados Unidos an makakalaban ninda.
