LEGAZPI CITY – Senegundahan kan grupo nin mga paratrukdo an sarong speech ni Senator Bam Aquino mapadapit sa mga problemang pigkakahampang kan sektor kan edukasyon sa presenteng panahon.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na nagpapahiling sana ini na totoo na haloy nang may krisis sa nasabing sektor na dapat sulusyunan na kan presenteng administrasyon.
Alagad makamundo suboot huli ta dae ninda ini nadangog sa State of the Nation Address ni Presidente Ferdinand Marcos Jr. kundi puro sana promesa an ipigtao.
Susuportaran man ninda an anumang bagay na makakatabang sa katatagan, asin pagdudugang sa pondo kan education sector
Nagtutubod man siya na tukaron na dapat ngonian sa kakapoon pa sanang 20th Congress an mga problema sa edukasyon sa nacion huli ta dapat haloy na ining nahiling kan mga nasa posisyon kabale na an Presidente.
Nagmamawot man sinda na madugangan pa an mga arug ni Senator Aquino sa kongreso asin senado na nakakapansin sa problema kan edukasyon partikular na sa mga problema kan paratukdo.
Pagdoon niya man na magtetenir ining problema huli ta maski anong klase nin educational system na naka-pattern sa global standards an dae man makikinabang an nacion kundi iyo an mga nagkapirang grupo sana.
Naglalaom man siya na mamakuwa nin suporta si Senator Bam sa mga senador ngonian na 20th Congress ini an sa ibong kan kadaklan sa mga senador ngonian an warang pag makulog sa sektor kan edukasyon.
